Škrlak na kolcu
Rane v jutre,
V loncu se jagli žute.
Si idemo na svoje pute.
Tak je to pune let.
Des prešel bum v klet.
Vani dežđ po male sipi.
V kleti mošt po male kipi.
Pojel si bum s tekom
Tri jajca z špekom.
V kleti je sa rana fina.
Imam još starega vina.
Došel bu sused Pišta
Popili bume gemišta.
Pod brajde si bum sel.
Škrlak bum na kolec del.
Počel bum lepe senjati.
Kej des moram delati.
Na trsju je jen slepić
Moti se navrne Štefić?
On je tu negde navek.
Moti dojde i Matek?
Ne smem tu zaspati.
Skore treba doma iti.
Na misel mi lepe izranja.
V role se peče turkanja.
Dole se spustim v leru.
Moti doma speku peru.
Ak’ od toga ne bu ništa
Spil bum jenega gemišta.
Baš me sad niš ne dira.
Zel si bum kruva i sira.
Jen dan prešel bu.
Nigdar tak ni,
Da nekak ni
I da nekak ne bu.
