KulturaZmešane boje by HF28/03/2018 Zajec i jajčeka Za Vuzem su tri zajčeka Vu tri farbe zemle svoje Pofarbali tri jajčeka. Jedno jajce je črleno, Drugo čisto belo. Tretje lepe plave boje. Tak su zajci reći šteli Da za Vuzem su veseli, Da je boja črlena Kak i kerv iz vena, A bela je kak sneg beli, Dok je boja plava Vseh Horvatov slava. I Jadran je plave boje Kak i oči moje, tvoje! V košare su jajca deli, Deci ih podarit šteli. Zajci nisu mogli znati Da jajčeke vse tri boje Jedan zajec zmešal bude Pa će kakti uspomena Na Vuzeme hude Vse prekriti tek – črlena! Prvi zajček tad je rekel: "Ja bum se v hižu zavlekel. Ili budem emigriral." Drugi zajček ga je špotal: "Zakaj tak? Ti si jak ! I nitko te ne bu diral!" Ponajmlajši, tretji zeko Mudro slovo im je reko: "Prijateli moji mili, najte norit! Hote simo, k meni bliže! Za tri boje pisanic Samo tu, vu rodnej hiže Hrabri zajci čistih lic Možeju se vsi borit! Tko vu tuje ode kraje, Mnogo za dom i ne haje. On vrnul se ne bu več! I nigda na svetu tom Ne bu našel rodni dom. Ne bu čul domaču reč, Niti ŠTO, ni ČA ni KAJ, A zli ljudi sžegli buju Njegov i naš zavičaj!" Prvi kimnu glavom samo I prozbori:"Košarice još tu stoje. Pa kom paše il' ne paše, Kaj je naše, To ne damo! Podarimo vse tri boje Pisanic sa zemle svoje Dobroj deci Lepe naše!" Malkica Dugeč, Uskrsni ponedjeljak, 2017.