Hrvatski Fokus
Hrvatska

Naš je šjor Nino jako škrban čovik

I to smo dočkali lipi moji Istrijani! Naš šjor Nino nan je napisa libar – Parfait
 

 
Ma svaki je libar, bi rekli doprinos kulturi jenega kraja, a naš šjor Nino, naš nesuđeni prešidente od Republike Istrie je obogatija istarsku kulturu za jedan libar, ki nima vero istrijansko ime, ma ima francusko. Forši kada Francuzi čuju da je izaša novi libar Parfait budu letili u Istru i puštili koji šoldo  na ime tega libra, pa će i Istrijani imati koristi od libra.
http://hrvatskifokus-2021.ga/wp-content/uploads/2019/07/strawberry-kiwi-parfaits-1-4.jpg
Vero bi i ja napisala jedan  libar, ma niman šoldi! Ki more financirati libar od jenega malega penšijuna od nigdašnjeg delavca Uljanika? Ma šjor Nino se natuka šoldi u pet lit ča je bija u Europskemu parlamentu. Ni to samo plaća od 8700 eura, nego i pravo na dnevnice od 320 eurića. Ben kada se oduzmu porezi i doprinosi u EU i RH zostalo mu je 4500 miljari euri na misec i u pet lit su to lipi šoldi, a ča mu fali? Lipa plaćica je to anke  u kunami 33 miljara kun, na misec, i  kada ja gledan moju brižnu mirovinu deset puti manju, valje mi dojde milo kako se brižan naš šjor Nino namučija za tu plaću. 596 puti se javija za besidu i 8 je puti njegova tema bila na dnevnemu redu. Ma bravo šjor Nino, aš ja za moju mirovinu ne moran vero niš delati, a vi ste se prekinija od dela.
 
A da je samo to, ma naš šjor Nino je bija šegav, pa je još koji eurić kapnuja na njegov konto. Lipo se on bi reći po hrvatski uhljebija  kako prešidente Nadzornega odbora korporacije Afrak,  Danka Končara, pa je u četiri lita njegov konto naresa za sto miljari euri i još nan je dovuka u Pulu tistega Končara kako spas za Uljanik, a Uljanik je krepa, finija nan je u stečaju! Za utjehu  šjor Nino se lipo litrata z rožicami, da vidimo kako je contenat učinjenin delon! Bravo šjor Nino!!!
 
Čuda tega ćemo naučiti iz tega libra Parfait
 
Anke kako se šjor Nino zauzima za istarske ribare, kada je glasa kontra amandmana Ruže Tomašić, kada su dopuštene mriže plivarice. Sam ministar poljoprivrede Tomislav Tolušić (HDZ) priopćio je da mu je drago što su plivarice dopuštene i da mu je žao što tri zastupnika nisu shvatila koliko je to važno ribarima. I to su mu se istarski ribari zahvalni ča se"zauzeo" za njihove interese. Naš je šjor Nino jako škrban čovik. Finta grote ke su bila na Portarati je škapula i poveza u svoje selo. Naš narod bi reka "il mondo xe fato per i furbi" (svijet je napravljen za  za lukave),  a šjor Nino je pravi furbi političar! Eko ga u svon selu Sv. Jure! Poručija nan je šjor Nino da to ni sve, još će on libri napisati da se i mi naučimo kako se u politiki isplati delati, kako ni politika za svakega. Vero ni, aš je moj pokojni Nono vajka predika "ne dica moja u politiku, politika je šporka"  Vero je i vajka je bila i biti će! Više vridi čisti obraz i poštenje, nego sve politike šporke.
Šoldi dojdu i pojdu ma obraz nan ostaje!
 

Lili Benčik

Povezani članci

Najodgovorniji za zločine 23 godine bez optužnice

HF

AFORIZMI – Demode

HF

Uskoro novo srbovanje u Srbu

HF

Ispovijest Milorada Ulemeka Legije

HF

Ova web stranica koristi kolačiće za poboljšanje vašeg iskustva. Pretpostavit ćemo da ste s ovim u redu, ali ako želite možete se odjaviti i ne prihvatiti. Prihvati Pogledaj više...